Existential Absurd

Aaj aisi hai meri holi Ke chere pe hai gulaal..baal hain bheege se  Labho pr hai muskaan..kameez hai fati si  Seene pe hai rang pute hue..kahin laal kahin neele.. Andar bhi hai rang jism ke..baingani daudta hai naso mein khoon ki lalima me ab neela mil gaya hai Ye neela wahi vish hai jo shiv ne piya tha purano mein  Usne to garmia se piya tha..mere andar to paida hua hai..  Aaj aisi hai meri holi..  Ke prahlad na chah kar bhi jal na saka..  Aur main na chahte hue bhi jal raha hoon..  holika to khadi tat par aabaad hai..  Abhi to bas mere jauhar ki shuruwaat hai..

Tere na hone ki ek aadat si pad gayi hai.. Tera chehra ab yaadon mein nahi ata Teri hasi ab kaano me nahi goonjti Tere sare shauk ab bhool gaya hu Na koi movie dekhta na hi koi pyar bhara khat likhta hu Dilchaspi aayi thi jo zindagi tere sath jeene me Uss zindagi ko na hi jeeta hu, na hi ab kosta hu Bohot sukoon hai ab mere mann mein Jab se teri aahat ki peechan nahi rahi Ek samay aisa bhi tha jab tere liye mar mitne ko tayaar tha  Par ab laparwha ho gaya hu..befikri ki aadat pad gayi hai Na nagme hai, na kisse hai, na baatein hai aur na hi yaadein hai Bas hai to ek shikwa apne aap se. . ...Ki kyu tere na hone ki aadat si pad gayi hai..